Minisiteri y’Ubuzima mu Rwanda yatangaje ko kuri uyu wa Kane w’itariki ya 24 Ukuboza, abandi bantu batatu bishwe n’icyorezo cya COVID-19 mu gihe abacyanduye ari 72.
Batatu bishwe na Coronavirus barimo umugore w’imyaka 55 wo mu karere ka Huye, uw’imyaka 69 w’i Kigali n’umugabo w’imyaka 46 na we wo mu mujyi wa Kigali.
Abanduye bo barimo 35 b’i Kigali, 25 b’i Rubavu, batanu b’i Nyamasheke, babiri b’i Huye, babiri b’i Muhanga, babiri b’i Rusizi n’umwe wo mu karere ka Nyamagabe.
Mu Rwanda COVID-19 imaze kwandurwa n’ababarirwa muri 7,670 barimo abamaze kuyikira 6,203 (barimo 40 b’uyu munsi) n’abo yahitanye 69.
Bisobanuye ko abantu 1,398 ari bo bakirwaye kiriya cyorezo mu Rwanda.
Bijyanye n’uburyo iki cyorezo gikomeje gukaza umurego, Abanyarwanda twese turakangurirwa natwe gukaza ingamba zo kucyirinda, mu rwego rwo guhangana na cyo.
