Ingabo z’u Burundi ni zimwe mu zoherezwa mu butumwa bw’amahoro muri Somalia, kurinda amahoro n’umutekano byashegeshwe n’umutwe w’iterabwoba wa Al Shabaab ushamikiye kuri Al Qaeda.
Izi ngabo zifatanya n’izindi zihuriye muri ubu butumwa bw’Umuryango w’Abibumbye muri iki gihugu bwitwa AMISOM, zirimo iza Uganda, iza Kenya, iza Ethiopia n’iza Djibouti; zikaba ziri mu birindiro bitandukanye.
Mu gihe izi ngabo zitari ku burinzi, hari ubwo zijya mu myitozo itandukanye ijyanye n’urugamba nko: kurasa, kuzimya inkongi, gutegura ibisasu no gukoresha ikoranabuhanga ritandukanye rijyanye n’ibya gisirikare.
Tariki ya 17 Werurwe 2021, igisirikare cy’u Burundi (FDNB) cyagaragaje igikoresho kidasanzwe cya robo (robot) ingabo zacyo ziri muri Somalia zifashisha mu gupfubya ibisasu abarwanyi ba Al Shabaab batega mu butayu.
Iki gikoresho cyakoreshwaga n’ingabo z’u Burundi ku birindiro by’ingabo zirwanira mu kirere bya Jowhar.
Icyo gihe FDNB yagize iti: “Ingabo z’u Burundi muri AMISOM ku birindiro bya Jowhar zirongera ubumenyi mu gupfubya ibiturika zifashishije irobo. Ibi biturika bitegwa n’abagize umutwe w’iterabwoba wa Al Shaabab.”
Nk’uko bigaragara, iyi robo iteye nk’imashini y’iminyururu ikora imihanda gusa yo irasa n’aho ari ntoya. Yoherezwa mu butayu n’abasirikare bayikoresha bafite ‘télécommande’ cyangwa se ‘remote’, igashakisha aho ibiturika bitabye.
Kurikira ibiganiro n’amavidewo binyura kuri Bwiza TV
2 Responses
Amafoto: Igikoresho kidasanzwe cy’ingabo z’u Burundi muri Somalia
Uburundi ndabwemera mubya gisirikare!!! haba ibikoresho cyangwa ababikoresha burya bararenze
Amafoto: Igikoresho kidasanzwe cy’ingabo z’u Burundi muri Somalia
Uburundi ndabwemera mubya gisirikare!!! haba ibikoresho cyangwa ababikoresha burya bararenze