Marc Nizeyimana, kuri uyu wa Gatatu tariki 21 Mata 2021, yemereye urugereko Rwihariye rw’Urukiko Rukuru Ruburanisha Ibyaha Mpuzamahanga n’Ibyambuka Imbibi, ko yemera ibyaha byose aregwa ko, yabikoze binyuze mu gukorana na bamwe mu basirikare b’u Burundi. Ni urubanza ruregwamo Paul Rusesabagina n’abandi 20 bari abarwanyi n’abayobozi b’umutwe wa MRCD-FLN. Ubushinjacyaha bwakomereje ku byaha icyenda burega uwitwa Nizeyimana Marc wari ufite ipeti rya koloneri mu barwanyi ba MRCD-FLN, wagiye ugira uruhare mu gutoranya abagaba ibitero mu Rwanda, kubambutsa, kubashakira ibikoresho n’aho banyura binyuze mu gukorana na bamwe mu basirikari b’u Burundi. RBA yakurikiranye uru rubanza ivuga ko guhera mu ibazwa, Nizeyimana yatangaje ko yemera ibyaha aregwa nk’uwari mu bayobozi b’umutwe wa MRCD-FLN. Kurikira ibiganiro n’amavidewo binyura kuri Bwiza TV
