Umuryango w’Ubumwe bw’Afurika (AU/UA) wasabye ko hasozwa ubutegetsi bwa gisirikare muri Tchad, iherutse gupfusha perezida yishwe n’inyeshyamba. Uwari Perezida Idriss Déby Itno akimara gupfa igisirikare cyahise gitangaza ko umuhungu we amusimbuye. Akanama k’amahoro n’umutekano ka AU kavuze ko gafite “guhangayika gukomeye” gutewe no kuba igisirikare cyarashyizeho Jenerali Mahamat Déby Itno w’imyaka 37 ngo abe umutegetsi mukuru w’iki gihugu kandi kigasesa inteko ishingamategeko. Kavuze ko ubutegetsi bukwiye gusubizwa abategetsi b’abasivile “vuba kandi neza”. Akanama k’amahoro n’umutekano ka AU kavuze ko gafite “guhangayika gukomeye” gutewe no kuba igisirikare cyarashyizeho Jenerali Mahamat Déby Itno w’imyaka 37 ngo abe umutegetsi mukuru w’iki gihugu kandi kigasesa inteko ishingamategeko. Akanama k’umutekano ka AU kagizwe n’ibihugu 15 ku wa kane ni ho kize k’uko ibintu bimeze muri Tchad, ariko gategereza ko umuhango wo gushyingura urangira ku wa gatanu kabona gushyira ku mugaragaro itangazo ryako.
