Umuryango w’Ubumwe bw’Uburayi (EU/UE) watanze ikirego mu rukiko urega uruganda rwa AstraZeneca rukora inkingo za coronavirus. Akanama k’Uburayi – ishami ry’ubutegetsi rya EU – kavuze ko kareze AstraZeneca kubera kutubahiriza ibyo iyi kompanyi yiyemeje muri kontaro yo kugeza urukingo muri EU, no kutagira gahunda “yizewe” yo gutuma inkingo zihagera ku gihe. Uruganda rwa AstraZeneca rwavuze ko cyo kirego “nta shingiro gifite”. Rwavuze ko “ruziregura bikomeye mu rukiko” cyo kirego kigejeje ku yindi ntambwe ubushyamirane bumaze igihe hagati y’impande zombi ku bijyanye no gutanga inkingo za coronavirus. Hari bamwe mu muryango wa EU bavuze ko uruganda rwa AstraZeneca (ruhuriweho n’Ubwongereza na Suède/Sweden) rubogamiye ku Bwongereza – ariko rwo rwarabihakanye. Kurikira ibiganiro n’amavidewo binyura kuri Bwiza TV
