Ikipe ya Arsenal yaraye inaniwe kugera ku mukino wa nyuma wa UEFA Europa league, nyuma yo kunanirwa gutsinda Villarreal yo muri Espagne.
Arsenal yasabwaga gutsinda byibura igitego 1-0 ngo isezerere iriya kipe y’umutoza Unai Emery wahoze ayitoza, nyuma y’uko yari yatsinzwe ibitego 2-1 mu cyumweru gishize.
Arsenal mu ijoro ryakeye yagerageje ibishoboka byose ngo ibone igitego 1-0 yasabwaga, gusa umukino urangira amakipe yombi anganya 0-0.
Ni umukino Pierre-Emerick Aubameyang yateye igiti cy’izamu inshuro ebyiri, gusa ntiyagira amahirwe yo kunyeganyeza inshundura.
Gusezerera Arsenal bivuze ko Villarreal izahurira na Manchester United ku mukino wa nyuma wa Europa league.
Manchester United yawugezeho nyuma yo gutsindwa na AS Roma ibitego 3-2, gusa iyisezerera ku giteranyo cy’ibitego 9-4. Ni Manchester United yatsindiwe na Edinson Cavani.
