Mu gitondo cy’uyu wa 12 Gicurasi 2021, abitwaje intwaro bashimuse umuherwe ukomeye mu mujyi wa Goma muri Repubulika ya Demukarasi ya Congo (RDC) witwa Sandro Shyaka.
Amakuru aturuka muri iki gihugu avuga ko Shyaka yashimutiwe mu rwuri rw’inka ze ruherereye muri Gurupoma ya Kamuronsa, Teritwari ya Masisi, mu bilometero 30 uvuye mu mujyi wa Goma.
Perezida wa sosiyete sivile ikorera i Goma, Marion Ngavho yatangarije Actualité ko yumvise ko abashimuse uyu muherwe bari gusaba amadolari ya Amerika ($) 100,000 (angana n’amanyarwanda hafi miliyoni 100) kugira ngo bamurekure.
Ngavho yagize ati: “Biravugwa ko abamushimuse bari gusaba $100,000 kugira ngo bamurekure.”
Yongereyeho ko kandi n’imodoka Shyaka yarimo yangijwe. Ifoto dukesha urubuga rwa Twitter rwa Kivu Security Barometer, igaragaza iyi modoka iryamye mu muhanda.
Mu mujyi wa Goma n’imihanda iwuturukamo igana muri Teritwari nka Masisi na Rushuru hakunze kumvikana ibitero bigabwa ku baherwe, aho bamwe bicwa, bakamburwa, abandi bagashimutwa.
Ngavho yavuze ko iki ari ikibazo gihangayikishije, gikeneye umuti urambye mu bihe bidasanzwe byatangiye mu Ntara ya Kivu y’Amajyaruguru tariki ya 6 Gicurasi 2021. Yasabye ubuyobozi bwa gisirikare bwahawe iyi ntara kugishyira ku rutonde rw’ibigomba gukemuka.
Kurikira ibiganiro n’amavidewo binyura kuri Bwiza TV
2 Responses
Masisi: Abitwaje intwaro bashimuse umuherwe Shyaka, basaba miliyoni 100 ngo ‘bamurekure’
Nibashakishe abobajura Bashyikirizwe ubutabera Bahanwe bishimishije thx
Masisi: Abitwaje intwaro bashimuse umuherwe Shyaka, basaba miliyoni 100 ngo ‘bamurekure’
Nibashakishe abobajura Bashyikirizwe ubutabera Bahanwe bishimishije thx