Ubuyobozi bw’Akarere ka Nyarugenge bwatangaje ko uruganda rwa Sulfo Rwanda Industries rwafunzwe mu gihe cy’iminsi 7 nyuma y’aho bigaragariye ko higanje ubwandu bukabije bwa COVID-19. Iki cyemezo gifashwe nyuma y’aho mu bipimo byafashwe mu bakozi 600 byagaragaje ko 10% banduye. Kuri uri uyu wa Gatanu, Minisiteri y’Ubuzima yatangaje ko abantu 202 banduye icyorezo cya COVID-19 na ho abantu 2 bahitanwa na cyo. Perezida Kagame na we yaciye amarenga ko hashobora kongera gufatwa ingamba zikarishye mu kwirinda ko u Rwanda rwagerwaho n’inkundura ya gatatu nk’uo bimeze mu baturanyi.
