Mu gihe imibare y’abandura Coronavirus mu Rwanda yatumbagiye kuva mu ntangiro za Kamena 2021, hari ukwibaza niba ubwoko bushya bwa COVID-19 bwayogoje u Buhinde bwaba butarageze hirya no hino mu Rwanda. Amoko mashya ya Covid-19 yabonetse bwa mbere mu Bwongereza no muri Africa y’Epfo. Inzobere mu buzima zivuga ko amoko mashya ya Covid-19 ariyo ari gutera ubwiyongere bw’abandura n’impfu ahatandukanye ku Isi. Ubu bwoko nanone bwagaragaye mu bihugu bituranye n’u Rwanda; RepubulikaIharanira Demukarasi ya Congo na Uganda. Inzego z’ubuzima mu Rwanda muri Werurwe 2021, zemeje ko ubwoko bushya bwa Covid-19 bwahageze gusa ngo byari kubava mu mahanga gusa, haribazwa niba iri zamuka ku buryo abanduye basaga 600 baboneka mu Rwanda, ntaho byaba bihuriye no kuba ubu bwoko bushya bwa COVID-19 bwarageze henshi mu gihugu. Ku kwibaza niba u Rwanda hari icyo rwakinzeho, Minisitiri w’Ubuzima, Dr Daniel Ngamije avuga ko mu Rwanda hari abagaragayeho ubwo bwoko bushya gusa ngo ” Babaga ari abantu bavuye hanze kandi banyuraga ku kibuga cy’indege bikoroha kubakurikirana. Ntabwo bigeze bahura n’abandi baturage.” Muganga Ngamije avuga ko ” Ubu bari gufata ibipimo ngo barebe niba ubwo bwandu bushya bwaba buhari.” Ni mu kiganiro na Radiyo y’igihugu kuri uyu wa 22 Kamena 2021. WASOMA: https://bwiza.com/?Ubwoko-bwa-Covid-19-bwayogoje-u-Buhinde-bwageze-mu-kindi-gihugu-gituranye-n-u Dr Ngamije muri Werurwe 2021, yari yavuze ko mu bipimo bigera kuri 400 byafashwe ku bantu banduye hagati y’ukwezi kwa 10/2020 n’ukwezi kwa kabiri 2021 ariho babonye ayo moko mashya y’iyi virus. Ubwoko bwa Covid-19 bwabonetse mu mpera za 2020 mu Bwongereza bwiswe B.1.1.7, OMS/WHO ivuga ko bwandura vuba kurusha andi moko ya Covid. Kurikira ibiganiro n’amavidewo binyura kuri Bwiza TV
XMA Header Image
Ap.Mutabazi mu iyerekwa ku Rwanda na Prezida Kagame/Dawidi agomba kurangiza intambara/abahanuzi baza
youtube.com
