Polisi ya Repububulika Iharanira Demokarasi ya Congo, yataye muri yombi Gen Kambale Kabamba usanzwe ari Umuyobozi Mukuru w’inyeshyamba z’umutwe wa Maï-Maï urwanya ubutegetsi bwa RDC.
Radio Okapi yatangaje ko Gen Kambale yatawe muri yombi mu ijoro ryo ku wa Kabiri rishyira ku wa Gatatu tariki ya 7 Nyakanga, afatiwe muri Teritwari ya Beni ho mu ntara ya Kivu y’Amajyaruguru.
Iyi nyeshyamba ngo yatawe muri yombi iri kumwe n’abandi barwanyi batandatu na bo babarizwa muri uriya mutwe.
Gen Kambale Kabamba yari amaze amezi menshi ahigishwa uruhindu n’inzego zishinzwe umutekano muri Repububulika Iharanira Demokarasi ya Congo, kugira ngo aryozwe ibyaha bijyanye n’umutekano muke Inyeshyamba ze zimaze igihe ziteza mu bice bya Kyena na Samboko, mu Burengerazuba bwa Oicha ho muri Béni.
Polisi ya RDC yatangaje ko uriya mujenerali azagezwa mu butabera bwa gisirikare, kugira ngo yisibanure ku byaha aregwa.
