Umunyapolitiki Martin Fayulu utavuga rumwe n’ubutegetsi bwa Repububulika Iharanira Demokarasi ya Congo, yongeye gutangaza ko ari we watsinze amatora y’Umukuru yo muri 2018 gusa birangira intsinzi ye ihawe FĂ©lix Tshisekedi.
Martin Fayulu yabitangaje mu ijoro ryakeye ubwo yaganiraga na Radiyo Top Congo FM yo muri RDC.
Ubwo Repubulika Iharanira Demokarasi ya yabagamo amatora y’Umukuru w’igihugu muri 2018 yo gushaka umusimbura wa Joseph Kabila, Martin Fayulu ni umwe mu bari bayahatanyemo, yemwe anahabwa amahirwe yo kwegukana intsinzi.
Cyakora cyo ubwo Komisiyo y’amatora (CENI) yatangazaga ibyavuye muri ariya matora ku itariki ya 01 Mutarama 2019, yemeje ko FĂ©lix Tshisekedi ari we watsinze amatora ku majwi 38.57% mu gihe Fayulu yabaye uwa kabiri n’amajwi 34.83%.
Kuva icyo gihe Martin Fayulu ntarahwema kugaragaza ko ari we watsinze ariya matora, gusa intsinzi ye Kabila akayiha Tshisekedi.
Aganira na Top Congo FM yongeye kubishimangira agira ati: “FĂ©lix Tshisekedi ntabwo yatowe. Ni njye Perezida watowe wa RDC. Natsinze amatora y’Umukuru w’igihugu n’amajwi 62,11%. FĂ©lix Tshisekedi ntabwo yigeze atorwa, yashyizweho na Kabila.”
Martin Fayulu yavuze ko Perezida Tshisekedi nanone afatanyije n’abarimo Kabila bari gutegura uburyo bakwigiza inyuma amatora yo muri 2023, avuga ko bitazabakundira.
Ati: “Barimo gushakisha umwanya wo kunyerera, ariko ibyo ntibizabaho. Ntidushobora kurenga ku ya 23 Ukwakira 2023, ku ya 24 Mutarama 2024, dukeneye perezida mushya wa Repubulika.”
Fayulu yunzemo ko yibona nk’urufunguzo rw’impinduka ku bibazo bitandukanye byugarije Congo Kinshasa.
Perezida Tshisekedi aherutse kubwira Jeune Afrique ko nta gihindutse aziyamamariza kuyobora RDC muri manda ya kabiri, ibishimangira ko azongera guhatana mu matora na Martin Fayulu batavuga rumwe.
