Ikipe ya Simba Sports Club yo mu gihugu cya Tanzania, yegukanye igikombe cya Shampiyona ya kiriya gihugu ku nshuro ya kane yikurikiranya nyuma yo gutsinda Coastal Union ibitego 2-0.
Ibitego bya Kapiteni John Rafael Bocco na Chrispain Mugalu byari bihagije ngo Simba y’Umunyarwanda Medie Kagere yegukane igikombe cya Shampiyona ya Tanzania cya 22 mu mateka yayo.
Iyi kipe y’umutoza Didier Gomes da Rosa yahise igeza ku munota 79, mu gihe nta kipe n’imwe iteganya kuyagezaho mu mikino ibiri ya shampiyona isigaye.
Kuva mu mwaka w’imikino wa 2017/18 Simba yagiye yegukana Shampiyona ya Tanzania, mu bikombe bine yatwaye hakaba harimo bitatu yatwaranye na Medie Kagere.
