Abasirikare b’u Rwanda bari mu butumwa bwa Loni bwo kugarura amahoro muri Repubulika ya Centrafrique (MINUSCA), bambitswe imidari y’ishimwe na Loni ku bw’umusanzu wabo mu kugarura amahoro n’umutekano muri Centrafrique bamazemo hafi umwaka wose.
Ni imidari y’ishimwe bambitswe ku munsi w’ejo n’Umuyobozi w’ingabo za MINUSCA, Lt Gen Daniel SIDIKI TraorĂ© wabashimiye ku bw’uruhare rwabo mu kugarura amahoro muri Centrafrique ndetse no guha ubufasha bw’ubuvuzi ingabo za MINUSCA.
Gen Sidiki yagize ati: “Mwambitswe imidari kubera ko muyikwiye. Itsinda ry’ingabo z’u Rwanda ryakoze akazi gakomeye mu kugarura amahoro ndetse no gutanga serivisi z’ubuvuzi abari mu butumwa bw’amahoro ndetse n’abaturage mu gihe cy’ubutumwa bwaryo.”
Umuyobozi wa RWA MED, Col Prof Alex Butera, yavuze ko ingabo z’u Rwanda zikigera muri Centrafrique zakoreye ahantu habi kubera ubwiyongere bw’ibikorwa by’imitwe yitwaje intwaro.
Yunzemo ati: “Icyakora, twashoboye gusohoza uruhare rwacu mu kurinda ubuzima burambye bw’abasirikare ndetse no kurinda abasivili mu turere twarimo amakimbirane.”
