Ikipe ya Shkupi FC ikinamo Umunyarwanda Rwatubyaye Abdul, yaraye itsinzwe ibitego 3-0 na Santa Clara yo muri Portugal, mu mukino uriya myugariro w’Amavubi yitsinzemo igitego.
Amakipe yombi yari yahuriye mu mukino ubanza w’ijonjora rya kabiri mu irushanwa rya UEFA Conference League wabereye muri Macedonia y’Amajyaruguru.
Rwatubyaye wakinnye iminota 90 yose y’umukino yitsinze igitego ku munota wa 30 w’umukino, mbere y’uko Carlos Junior na JoĂŁo Costa batsindira Santa Clara igitego cya kabiri n’icya gatatu ku munota wa 49 w’umukino n’uwa 90+3.
Biteganyijwe ko umukino wo kwishyura uzabera muri Portugal ku wa Kane tariki ya 27 Nyakanga.
