Abasirikare 32 bakuru mu gisirikare cy’u Burundi biganjemo abo ku rwego rwa ba Ofisiye Jenerali n’aba Colonel, boherejwe mu kiruhuko cy’izabukuru kuri uyu wa Gatanu tariki ya 01 Ukwakira.
Urwandiko rwohereza aba basirikare mu kiruhuko cy’iza bukuru rwashyizweho umukono n’Umugaba Mukuru w’Ingabo z’u Burundi, Gen Prime Niyongabo.
Aba basirikare biganjemo abahoze mu gisirikare cya kera cy’u Burundi (ex FAB), barimo abo ku rwego rwa ba Jenerali batanu.
Abo ni Lt Gen Joseph Ndayishimiye uzwi nka ‘Paysan’ wari usanzwe ari Umugaba wungirije w’Ingabo zirwanira ku butaka.
Barimo kandi Gen Maj Gateretse Maurice wabaye Umuyobozi Mukuru wungirije w’Ingabo za Loni ziri mu butumwa bwo kugarura amahoro muri Somalia (AMISOM).
Abandi ni Gen. Bde Nzisabira Obede, Gen. Bdge Kamoso DĂ©ogratias na Gen. Bde Nahimana Salvator.
Aba basirikare kandi barimo ba Colonel 24 cyo kimwe na ba Majoro batatu.
