Ikipe ya FC Barcelona ibifashijwemo na Ansu Fati, yagiye gutsindira Dinamo Kyiv iwayo igitego 1-0, biyigarurira icyizere cyo kurenga ijonjora rya UEFA Champions league.
Barcelona yatangiye nabi imikino ya Champions league y’uyu mwaka inyagirwa na Bayern Munich ibitego 3-0, mbere yo gutsindwa na Benfica yo muri Portugal ibitego nanone 3-0.
Iyi kipe mu mukino wa gatatu w’itsinda yari yafashijwe na Gerard Pique gutsinda Dynamo Kyiv bigoranye igitego 1-0, mu mukino wabereye i Camp Nou.
Iyi kipe kuri ubu idafite umutoza mukuru nyuma yo kwirukana Ronald Koeman yasabwaga gutsindira iriya kipe muri Ukraine, bitaba ibyo igahita isezererwa muri UEFA Champions league itarenze umutaru.
Igitego cyo ku munota wa 70 w’umukino cya Ansu Fati ni cyo cyafashije FC Barcelona gukura amanota atatu mu gihugu cya Ukraine.
Ni ku mupira uyu rutahizamu ukiri muto yari ahinduriwe na Oscar Mingueza.
Gutsinda uyu mukino byatumye FC Barcelona ifata umwanya wa kabiri mu tsinda E n’amanota atandatu, inyuma ya Bayern Munich iriyoboye n’amanota 12.
Iyi Bayern Munich yashimangiye umwanya wayo wa mbere nyuma yo gutsinda Benfica ibitego 5-2.
Birimo bitatu byatsinzwe n’umunya-Pologne Robert Lewandowski, icya Serge Gnabry n’icya Leroy SanĂ©.
Iyi Benfica ni yo Barcelona isabwa gutsinda mu mukino wa gatanu w’itsinda igahita ibona itike ya 1/8 cy’irangiza.
