Imibare y’abantu bapfiriye mu mpanuka y’ubwato mu Kiyaga cya Kivu mu cyumweru gishize muri Congo, yiyongereye igera ku bantu 22 kuri uyu wa 16 Ugushyingo 2021 mu gihe abasaga 10 bakomeje kubura kugeza ubu. Abayobozi bo muri Congo mu cyumweru gishize bari batangaje ko iyi mpanuka yaguyemo abantu umunani ubwo kuwa Kane ubwato bari barimo bwashwanyukagamo kabiri, abantu n’ibicuruzwa bakarohama bamwe bakaburirwa irengero. Kuwa Mbere, haje kuboneka imirambo itanu naho kuwa Kabri haboneka imirambo icyenda. Dede Mwamba, umuyobozi mu karere ka Kalehe ni we wemeje ayo amakuru nk’uko AFP yabitangaje. Imirambo yabonetse muri iyi minsi biri y’iki cyumweru yatumye abapfiriye muri iyo mpanuka bagera kuri 22. Mu bantu 145 bari muri ubwo bwato, 111 bashoboye kurokoka, abandi barenga 10 baburiwe irengero. Ibi bivuze ko imibare y’abapfuye ishobora kwiyongera. WASOMA: https://bwiza.com/?Abantu-babarirwa-muri-mirongo-baburiwe-irengero-mu-mpanuka-y-ubwato-mu-Kiyaga Ikiyaga cya Kivu kigabanaya Congo n’u Rwanda, kandi ni inzira inyurwamo na benshi. Mu 2019, impanuka y’ubwato nabwo yari yishe abagera ku 100.
