Uwamahoro Lynda, uzwi nka Lynda Ddane, umunyamakuru wa Televiziyo ya NTV muri Uganda mu minsi ishiz yafashwe n’indwara bamwe bavuga ko ari amayobera, we akavuga ko yatumye ananuka bidasanzwe. Ibinyamakuru bimwe byo muri Uganda byandika ku myidagaduro byavuze ko ” Amasengesho menshi yari akenewe ku munyamakuru wa NTV na KFM Uwamahoro Lynda kuko ubu arwaye indwara y’amayobera.” Uyu mukobwa ubwo yongeraga kugaragara mu ruhame, bigaragara ko yananutse. Uyu mukobwa avuga ko ubusanzwe adakunda kunanuka gusa ngo indwara niyo yamukozeho. Kuri Instagrama ati ” Ubusanzwe sinashakaga gutakaza ibiro ku bushake. Ikintu gitangaje ni uko nananutse bikzwe n’indwara ndetse n’imihangayiko. Ubu ndimo kugerageza kongera kubyibuha kuko nkunda kuba mfite ibitama.” Uwamahoro ariko ntiyigeze avuga indwara iyo ariyo yatumye abantu be ba hafi bamutabariza ngo abamukunda bamusengere. Aya makuru y’uburwayi bwa Uwamahoro yamenyekanye ubwo uwo bakorana, Herbert Kityamuweesi uzwi nka Crysto panda, kuri Instagram, avuze ko uyu mukobwa arembye kandi ko akeneye ikiganza gikiza ngo yoroherwe vuba. Uwamahoro Lynda uzwi nka Lynda Ddane, amaze kumenyekana mu bitangazamakuru ndetse n’ubwiza bwe butuma aba ikimenyabose nk’umuravumba.
