Rurangiranwa Samuel Eto’o Fils wamamaye mu makipe atandukanye akomeye yo ku mugabane w’u Burayi ndetse no mu kipe y’Igihugu ya Caméroun, yatorewe kuba umuyobozi w’ishyirahamwe ry’umupira w’amaguru muri Caméroun (FECAFOOT).
Eto’o w’imyaka 40 y’amavuko yamenyekanye cyane mu makipe akomeye nka FC Barcelona yo muri Espagne, Inter de Milan yo mu Butaliyani, Chelsea yo mu Bwongereza n’ayandi.
Kuri uyu wa Gatandatu ni bwo yatorewe kuba Perezida wa Federasiyo y’Umupira w’amaguru muri Caméroun mu matora y’abagize inteko rusange ya ririya shyirahamwe yabereye i Yaoundé.
Eto’o watowe ku majwi 43, yahigitse abarimo Seidou Mbombo Njoya wari usanzwe ayobora FECAFOOT, Justin Tagouh, Jules Onana, Jean Crepin Nyamsi na Zacharie Wandja.
