Imibare ituruka mu kigo cy’igihugu gushinzwe Ubuzima, RBC, irerekana ko abantu benshi banduye Covid-19 mu masaha 24 ashize, ari abari mu Mujyi wa Kigali nk’aho mu bantu 629 banduye, 400 ari abatuye muri uwo mujyi.
RBC kandi yagaragaje ko ubwandu buri hejuru mu turere twa Musanze, handuye abantu 74, Rusizi 48 na Rubavu 15. Nyuma yo gukaza ingamba, Minisitiri w’Ubuzima, Dr Ngamije Daniel yari yavuze ko abantu bo mu mujyi wa Kigali bari mu batumye ubwandu bwa Coronavirus bwiyongera. Impamvu ikomeza gutungwa agatoki ni ukudohoka ku mabwiriza yo kwirinda iki cyorezo mu gihugu hose.
