Umusirikare wo mu gisirikare cya Repubulika Iharanira Demokarasi ya Congo (FARDC), yaguwe gitumo n’abaturage bo mu gace ka Kibarizo ho muri Teritwari ya Masisi muri Kivu y’Amajyaruguru ari gusambanya intama.
Byabaye ku wa Kabiri tariki ya 11 Mutarama 2022.
Amakuru y’uko uriya musirikare wamenyekanye ku mazina ya FĂ©lix Balume yafashwe asambanya intama yemejwe n’umuyobozi wa Sosiyete Sivile muri Masisi, Tobirwakyo Kahangu.
Uyu yabwiye Radio y’abaturage ya Mweso ko uriya musirikare akidegembya nta no gukorwaho iperereza, mu gihe amajwi y’abamusabira guhanirwa ariya mahano yakoze akomeje kwiyongera.
Cyakora cyo umuyobozi w’Ingabo za Congo Kinshasa zikorera muri Kibarizo yavuze ko iperereza ryamaze gutangira kugira ngo hamenyekane impamvu uriya musirikare yishoye muri kiriya gikorwa kigayitse.
