Ikipe ya Simba Sports Club yo mu gihugu cya Tanzania, yaraye yegukanye igikombe cya Mapinduzi Cup nyuma yo gutsinda ku mukino wa nyuma Azam FC igitego 1-0.
Igitego kimwe rukumbi cyatsinzwe kuri Penaliti na rutahizamu w’ikipe y’igihugu ‘Amavubi’, Meddie Kagere, ni cyo cyafashije iyi kipe kwegukana kiriya gikombe nyuma yo kugitwarwa na Yanga Africans mu mwaka ushize.
Ni nyuma y’ikosa umunya-SĂ©nĂ©gal Pape Ousmane Sakho yari amaze gukorerwaho mu rubuga rw’amahina n’umunyezamu Mathias Kigonya.
Simba Sports Club muri 1/2 cy’irangiza yari yasezereye Namungo FC iyitsinze ibitego 2-0, birimo nanone icya Meddie Kagere ndetse n’icya Ousmane Sakho.
Sakho yahembwe nk’umukinnyi mwiza wa ririya rushanwa, Kagere ahembwa nka rutahizamu mwiza wariranze.
Igikombe cya Mapinduzi Cup 2022 iyi kipe yegukanye cyabaye icya kane itwaye mu mateka yayo, by’umwihariko inshuro eshatu muri izo enye ikaba yaratwaye igikombe itsindiye ku mukino wa nyuma Azam FC.
