Ikipe ya Rayon Sports yamaze gusinyisha rutahizamu Musa Esanu wakiniraga ikipe ya Bul Jinja FC yo mu cyiciro cya mbere muri Uganda.
Uyu munya-Uganda yasinye amasezerano y’imyaka ibiri yo gukinira iyi kipe ikunzwe kurusha izindi mu Rwanda.
Rayon Sports yasinyishije Esanu nk’umusimbura w’umunya-Maroc Youssef Rharb watandukanye na yo mu minsi ishize agasubira iwabo, nyuma yo gutangaza ko yari abayeho Nabi cyane muri iyi kipe.
Uyu rutahizamu uzajya yambara numéro 7 Youssef yambaraga, ni umwe mu bakinnyi bari bamaze igihe bitwara neza muri shampiyona ya Uganda, dore ko yari yaratsinze ibitego umunani mu gice kibanza cya shampiyona.
Rutahizamu Musa Esanu w’imyaka 26 y’amavuko, yasinyiye Rayon Sports nyuma yo gusezerera ba rutahizamu MaĂ«l Dindjeke wakiniraga ikipe ya PWD of Bamenda na Cedric ukomoka muri Nigeria bari bamaze icyumweru bayikoramo igeragezwa.
Amafoto: @Rayon Sports
