Urukiko rw’ibanze rwa Entebbe muri Kampala rwasubitse urubanza ruregwamo Pasiteri Bugingo n’umugore we, Suzan Makula Nantaba, ku bwo gukora ubukwe mu buryo butemewe n’amategeko, rukazakomeza kuburanishwa kuwa 21 Werurwe 2022. Bugingo washinze akanayobora itrorero, House of Prayer Ministries, byari biteganyijwe ko yitaba urukiko mu cyumweru gishize. Ari kuburana ku kuba kuwa 7 Ukuboza 2021, yagiye kwerekanwa nk’umukwe kandi afite undi mugore bataratandukana. Bugingo na Nantaba muri Mutarama bari bari baburanye bavuga ko ari abere gusa umucamanza, Stella Okwong Paculal, abemerera kuburana bidegembya, ariko urubanza rugakomeza. Bugingo na Nantaba barezwe n’umunyamategeko, Male Mabirizi Kiwanuka, avuga ko bishe zimwe mu ngingo zigenga ugushyingirwa muri Uganda.
