Perezida w’inzibacyuho wa Guinée-Conakry, Col Mamadi Doumbouya yakiriye Amb. Zaina Nyiramatama wamushyikirije impapuro zimwemerera guhagararira u Rwanda muri Guinée.
Amb. Nyiramatama asanzwe anahagarariye u Rwanda mu bwami bwa Maroc.
Ku munsi w’ejo ku wa Gatanu tariki ya 01 Mata 2022 ni bwo yashyikiriwe na Col Doumbouya yashyikirije impapuro zimwemerera guhagararira u Rwanda muri Guinée, mu muhango wabereye ku ngoro y’umukuru w’igihugu i Conakry.
Amb. Nyiramatama agomba guhagararira u Rwanda muri Guinée afite icyicaro i Rabat muri Maroc, igihugu Inama y’Abaminisitiri yo ku wa 14 Ukuboza 2020 yamugizemo Ambasaderi.
Yari asimbuye Amb. Sheikh Habimana Saleh.
Nyiramatama yanahagarariye u Rwanda mu muryango wa Afurika Yunze Ubumwe muri Tchad, umwanya yagiyeho avuye mu buyobozi bwa Komisiyo y’Igihugu y’Abana.
