Ikipe y’Igihugu ‘Amavubi’ ikomeje kwitegura imikino ibiri y’ijonjora ry’Igikombe cya Afurika cya 2023, yakiriye abandi bakinnyi batatu bakina hanze y’igihugu isigara itegereje abandi babiri.
Batatu bamaze kugera mu mwiherero w’Amavubi barimo myugariro Nirisarike Salomon ukinira Urartu FC yo mu gihugu cya Armenia, akazaba ari na we uyoboye bagenzi be muri iriya mikino.
Uyu musore yahuriye i Kigali na ba myugariro Imanishimwe Emmanuel ‘Mangwende’ na Manzi Thierry bombi bakinira FAR Rabat yo mu bwami bwa Maroc.
Aba bakinnyi uko ari batatu baje i Kigali bahasanga myugariro Mutsinzi Ange Jimmy wa CD Trofense yo muri Portugal wabimburiye abandi kugera i Kigali cyo kimwe na Bizimana Djihad wari umaze iminsi mu Rwanda.
Amavubi kuri ubu aracyategereje rutahizamu Meddie Kagere wa Simba Sports Club yo muri Tanzania ugomba kugera i Kigali ku Cyumweru cyo kimwe na rutahizamu Rafael York ugomba guhurira na bagenzi be muri Afurika y’Epfo aturutse muri Suède.
Iyi kipe yatangiye umwiherero ku wa Kabiri w’iki Cyumweru i Nyamata, izahurira na Mozambique muri Afurika y’Epfo tariki ya 2 Kamena mbere yo kwakira Senegal ya Sadio ManĂ© tariki ya 7 Kamena i Huye.
