Umutoza Erik ten Hag w’ikipe ya Manchester United, yatangaje ko yamaze kugarura Cristiano Ronaldo ndetse akaba ari no mu kipe yitegura FC Sheriff kuri uyu wa Kane.
Manchester United izaba yakiriye iyi kipe yo muri Moldova, mu mukino wa UEFA Europa league wa gatanu wo mu tsinda.
Ni umukino Cristiano Ronaldo azagaragaramo, nyuma y’uko umutoza Erik ten Hag yari yamuhannye akamuvana mu bakinnyi yifashishije mu mukino wa shampiyona y’Abongereza ikipe ye iheruka kunganyamo na Chelsea igitego 1-1.
Byari nyuma y’uko uyu munya-Portugal yari yivumbuye agataha umukino Manchester United iheruka gutsindamo Tottenham ibitego 2-0 utarangiye.
Umutoza Ten Hag mu kiganiro n’itangazamakuru kuri uyu wa Gatatu; yavuze ko ibibazo byose yari yaragiranye na Cristiano Ronaldo byamaze gukemuka.
Yunzemo ko uyu rutahizamu yamaze kugaruka muri bagenzi be ndetse akazifashishwa mu mukino wo kuri uyu wa Kane.
Ati: “Cristiano Ronaldo yamaze kugaruka mu kipe yacu, ni byo. Ntabwo bikomeye cyane: yari hanze umukino umwe ariko kuri ubu yamaze kugaruka mu kipe.”
Undi umutoza Erik ten Hag yemeje ko agomba kugaruka mu kipe ndetse akongera gukina ni Kapiteni Harry Maguire; nyuma y’igihe kirekire yicazwa ku ntebe y’abasimbura.
2 Responses
Inkuru nziza kuri Cristiano Ronaldo
Vyari vyambabaj kabix kuber ndamukund c r 7
Inkuru nziza kuri Cristiano Ronaldo
Vyari vyambabaj kabix kuber ndamukund c r 7