Umugaba Mukuru w’ingabo za Repubulika ya demukarasi ya Congo, FARDC, Lt Gen. Tshiwewe Christian yasuye ingabo z’umuryango wa Afurika y’iburasirazuba ku biro byazo biherereye mu mujyi wa Goma.
Lt Gen. Tshiwewe yakiriwe na Komanda w’ingabo za EAC ziri mu butumwa bw’amahoro muri RDC, Lt Gen. Jeff Nyagah wamugejejeho raporo y’ibikorwa izi ngabo zimaze gukora kuva zagerayo n’ibyo ziteganya mu gihe kiri imbere.
Mu basirikare ba FARDC bamuherekeje harimo Umugaba Mukuru wungirije ushinzwe ibikorwa byayo n’ubutasi, Maj Gen. Chico Tshitambwe ukorera akazi ke mu burasirazuba bwa RDC kuva yahabwa iyi nshingano.
Lt Gen. Tshiwewe ari mu burasirazuba bwa RDC kuva ku wa 10 Mutarama 2023. Yagiye kugenzura ibikorwa bya FARDC byo kurwanya imitwe yitwaje intwaro, by’umwihariko uwa M23.
One Response
Goma: Umugaba Mukuru wa FARDC yasuye ingabo za EAC
Kurwana siwo muti w’ibibazo.Imana yaturemye idusaba gukundana,ndetse tugakunda n’abanzi bacu.Nkuko Zabuli 5,umurongo wa 6 havuga,Imana yanga umuntu wese umena amaraso y’undi.Ikindi kandi,Yesu yavuze ko ku munsi w’imperuka abatwara intwaro bose bazicwa nkuko Matayo 26,umurongo wa 52 havuga.Niba koko tuli abakristu nyakuli,tujye twirinda gukora ibyo Imana itubuza.Nibwo izaduha ubuzima bw’iteka muli paradizo.Ntidugafate bible nk’igitabo gisanzwe.Ibyo ihanura byose biraba,niyo byatinda.Hali ingero nyinshi cyane.Nubwo benshi batuye isi ntacyo bibabwiye.