Umuhanzi Wycliff Tugume wamamaye nka Ykee Benda yahawe inkwenene ku rubuga rwa Twitter nyuma yo kwerekana impano y’isaha yahawe n’umukunzi we ku munsi w’abakundana, St Valentin.
Abinyujije ku rukuta rwe rwa Twitter, uyu muhanzi wamenyekanye mu ndirimbo nka Muna Kampala yasohoye amafoto y’isaha nshya iri mu ibara ry’umukara, aho yavuze ko ari impano kuva ku mukunzi we wayitanzeho ibihumbi bitatu by’amadorari.
Nyuma yo gushyiraho aya mafoto, Ykee Benda yanatangaje amagambo asobanura aho iyi saha yaturutse ndetse n’uwayimuhaye. Yagize ati: “Yavuze ‘Muvandimwe, nkunda uburyo unyitaho’. Yaragiye atanga ibihumbi bitatu by’amadorlari ku isaha. Koko ni uw’agaciro”.
Nyuma yo kwerakana iyi saha ndetse n’igiciro cyayo, uyu muhanzi yanyomojwe n’umwe mu bakoresha Twitter wahise yerekana igiciro cy’iyi saha uyu muhanzi yaguriwe.
Uwitwa Sammie Manini kuri Twitter yerekanye ko iyi saha igura amayero 44 aho kuba amadorari 3000. Nyuma yo kuzana ibyo biciro yahise abaza Ykee Benda ukuntu Amayero 44 (€44) ahwanye n’amadolari 3000 ($3000).
Abandi babonye ibyo uyu muhanzi yababwiye, bahise batangira kumuha inkwenene, bamusaba kubwira umukunzi we kujya kuguranisha iyo saha kuko iyo bamuhaye itagura amadolari 3000, ni mu gihe abandi bamusabye kureka kubabeshya.
Uwitwa Daniel Kibeti yagize ati: “Ntabwo nakwizera ko iyi saha igura $3k. Ni ibitizerwa!
Sammie Manini ati: “Rero amayero 44 angana n’amadorari 3000?”
Tap Boy we yibajije ati: “$3000 ku isaha??
