Umuhanzi Patrick Nnaemeka Okorie wamamaye nka Patoranking mu muziki wa Nigeria no ku Isi muri rusange, yishimiye gutanga igihembo cy’umukinnyi mwiza w’ukwezi mu Bwongereza.
Mu ijoro ryo ku wa 15 Gashyantare 2023 ni bwo Patoranking yari ari muri Emirates Stadium aho yari yagiye kwihera ijisho umukino wahuje Arsenal na Manchester City.
Mbere y’uyu mukino, Arsenal yabanje guhemba umukinnyi wayo witwaye neza mu kwezi kwa mbere uyu mwaka. Cyegukanywe na Orexander Zinchenko ukomoka mu gihugu cya Ukraine waje muri iyi kipe avuye muri Manchester City.
Mu itangwa ry’iki gihembo, uyu muhanzi wamamaye mu ndirimbo nka ‘Suh Different’ ni we wagishyikirije Zinchenko wari wacyegukanye.
Nk’umufana wa Arsenal ukomeye, uyu muhanzi ukomoka muri Nigeria yahawe umwanya imbere y’abafana barenga ibihumbi 50 maze atanga igihembo.
