Perezida w’inzibacyuho wa Guinée-Conakry, Colonel Mamadi Doumbouya, ku wa Mbere tariki ya 24 Mata yirukanye ku mirimo Lt Col Ismael Keita wari ukuriye ubutasi bwa gisirikare.
Iteka ry’Umukuru w’Igihugu cya Guinée ryasohotse kuri uyu wa Mbere rivuga ko Lt Col Keita yirukanwe azira “amakosa akomeye yakoze”, gusa ntirisobanura ayo makosa ayo ari yo.
Uyu musirikare nyuma yo kwirukanwa kandi yahise anashyirwa mu maboko y’Ubutabera bwa gisirikare.
Perezida Doumbouya mu iteka yasohoye kandi yahise agira Colonel Moussa Keita wahoze ari Umugaba Mukuru w’Ingabo za Guinée umuyobozi w’ikigo gishinzwe gutangirwamo amasomo yo kubungabunga amahoro.
