Igisirikare cya Repubulika Iharanira Demokarasi ya Congo (FARDC) cyatangaje ko cyataye muri yombi abantu babiri bakekwaho kwica Captain Gisore Rukatura ‘Kabongo’ wari umusirikare wacyo.
Mu ijoro ryo ku wa Gatanu tariki ya 9 Ugushyingo ni bwo uyu Ofisiye yiciwe n’abaturage i Goma.
Amakuru avuga mbere yo kwicwa yabanje kugambanirwa na bagenzi be bamuhora kuba Umututsi.
Amashusho ateye ubwoba ari gucicikana ku mbuga nkoranyambaga, yerekana uyu musirikare wari wambaye impuzankano ya FARDC ava amaraso menshi, nyuma yo guterwa amabuye.
Muri aya mashusho humvikanamo aba baturage baba bavuga ko bari buze kumutwika, ndetse hari andi mashusho amugaragaza koko yatwitswe.
FARDC yatangaje ko yababajwe n’urupfu rw’uriya musirikare, ivuga yaatangije iperereza ngo hamenyekane uburyo yapfuye.
Umuvugizi wa FARDC mu ntara ya Kivu y’Amajyaruguru, Lt Col Guillaume-Ndjike Kaiko, mu itangazo yasohoye yavuze ko “ku itegeko” rya Guverineri w’agateganyo wa Kivu ya Ruguru, GĂ©nĂ©ral-Major Cirimwami Nkuba Peter “iperereza ryatangiye kugira ngo hatangwe umucyo ku kuntu uyu dusangiye igihugu yapfuye.”
Yunzemo ko “babiri mu bacyekwa bamaze gutabwa muri yombi boherezwa mu nkiko zibifitiye ububasha.”
