Guverinoma y’u Burusiya ku wa Kabiri yemeje umushinga urebana n’amasezerano y’ubufatanye mu bya gisirikare, hagati y’iki gihugu na Repubulika Iharanira Demokarasi ya Congo.
Umwe mu myanzuro y’inama y’abaminisitiri yashyizwe hanze uvuga ko amasezerano y’ibihugu byombi akubiyemo ibijyanye n’ubufatanye mu myitozo y’inzego z’umutekano ndetse no gutozwa imikoreshereze y’amato cyangwa indege z’intambara mu gihe byasabwe.
Ibiro Ntaramakuru TASS by’Abarusiya byatangaje ko Minisiteri y’Ingabo n’iy’Ububanyi n’Amahanga z’u Burusiya arizo zizakurikirana ayo masezerano.
