Umuhanzikazi Beyoncé yerekanye ubwambure bwe ku karubanda ubwo yateguzaga abafana be album ye ya Munani agiye gushyira hanze vuba aha.
Uyu muhanzikazi ufite ibigwi bikomeye mu muziki, yashyize hanze ifoto igaragaza ubwambure bwe mu rwego rwo kurushaho guteguza abantu iyi album ye arashyira hanze mu minsi ya vuba.
Mu ifoto yashyize ku rukuta rwe rwa Instagram, imugaragaza ahagaze yambaye ubusa buriburi yikingirije imisatsi ndetse n’ikamba ryanditseho izina rye kuri bimwe mu bice by’ibanga bigize umubiri we.
Beyoncé aritegura kumurika iyi album yise ‘Cowboy Carter’ ku wa 29 Werurwe 2024.
Izina Carter yitiriye album ye ni izina ry’umugabo we Shawn Corey Carter wamenyekanye nka Jay-Z ndetse akaba yararyise n’abana babyaranye.
Mu zindi album zirindwi za studio Beyoncé yashyize ahagaragara harimo Renaissance yamuritse mu 2022, Lemonade yamuritse mu 2016, Beyoncé (2013), 4 (2011), I Am… Sasha Fierce (2008), B’Day (2006), na Dangerously in Love yamuritse mu 2003. 
