Imirwano ikaze yongeye gutangira mu gitondo cyo ku wa mbere Nyakanga 1 hagati y’ingabo za Congo zishyigikiwe n’imitwe yitwaje intwaro ndetse n’inyeshyamba za M23.
Ni imirwano yibanze ahazwi nko ku muhanda wa N2 uhuza Kaseghe-Rusorobya muri teritwari ya Lubero. Muri iyi mirwano hifashishijwe intwaro ziremereye n’izoroheje muri ako gace nk’uko kivu morning post yabitangaje.
Iyi mirwano ibaye nyuma y’uko M23 iherutse gufata santire ya Kanyabanga nyuma y’ukwezi mu nkengero zaho habera imirwano yari iyihanganishije n’ingabo za Repubulika Iharanira Demokarasi ya Congo n’ihuriro ry’imitwe ya Wazalendo.
I Kanyabayonga M23 ifashe muri uyu mwaka kuko mu ntangiriro za Gicurasi 2024, abarwanyi ba M23 bafashe akandi gace k’ingenzi ka Rubaya gakungahaye ku mabuye y’agaciro ya Coltan, yifashishwa mu gukora ibikoresho bigezweho birimo telefone.
