Umunyapolitiki Robert Ssentamu Kyagulanyi ‘Bobi Wine’ utavuga rumwe n’ubutegetsi bwa Uganda, kuri uyu wa Kabiri yarashwe na Polisi ya Uganda.
Ubutumwa bwanyujijwe ku rubuga rwa X rw’uyu munyapolitiki ukuriye ishyaka NUP buvuga ko yarasiwe akaguru ahitwa Bulindo.
Buragira buti: “Perezida wacu Bobi Wine yarasiwe akaguru na Polisi muri Bulindo. Yahise ajyanwa ikitaraganya kwa muganga kugira ngo yitabweho n’abaganga. Turakomeza kumenyesha igihugu amakuru y’uko ibintu byifashe”.
Our President @HEBobiwine has been shot in the leg by police in Bulindo! He's been rushed to hospital for urgent medical attention. We'll keep the country updated on his situation. ~ Admin
— BOBI WINE (@HEBobiwine) September 3, 2024
Amashusho ari gukwirakwizwa ku mbuga nkoranyambaga yerekana uyu munyapolitiki afite igikomere kidakanganye cyane ku kaguru.
