Igisirikare cya Israel biravugwa ko ku wa Gatatu cyaba cyararashe ibirindiro bya Khmeimim by’Ingabo z’u Burusiya zirwanira mu kirere.
Ibirindiro bya Khmeimim Airbase biherereye mu mujyi wa Lattakia wo muri Syria.
Amakuru aturuka mu bitangazamakuru byo muri Syria avuga ko Israel yarashe ububiko bw’intwaro bwari rwagati muri ibi birindiro.
Ni intwaro bivugwa ko zari zizanwe n’indege yari iturutse muri Iran, zikaba zagombaga kohererezwa umutwe wa Hezbollah urwanira n’Ingabo za Israel muri Lebabon.
Amashusho yakwirakwijwe ku mbuga nkoranyambaga yerekana biriya birindiro bigurumanamo umuriro, nyuma yo kuraswaho na Israel.
Israel imaze iminsi irwana n’imitwe itandukanye yo mu bihugu byo mu burasirazuba bwo hagati ishyigikiwe na Iran, by’umwihariko uwa Hezbollah na Hamas yo muri Palestine.
