Polisi y’Igihugu yatangaje ko yafunze abantu batatu bo mu karere ka Kirehe bakekwaho gutema urutoki rw’umuturage bakarwararika.
Umuturage watemewe urutoki ni uwitwa Ntahompagaze ThĂ©oneste wo mu mudugudu w’Umutuzo, akagari ka Bisigara ho mu murenge wa Mushikiri w’akarere ka Kirehe.
Amakuru avuga ko yatemewe insina zibarirwa muri 200.
Polisi y’Igihugu ibinyujije ku rubuga rwayo rwa X, yatangaje ko yataye muri yombi batatu bakekwaho gutema urutoki rw’uriya muturage ikabafunga.
Iti: “Muraho, hafashwe abantu batatu bakekwaho kugira uruhare mu gutema insina za Ntahompagaze Theoneste.”
Polisi yunzemo ko abafashwe bafungiye kuri sitasiyo ya Polisi ya Nyarubuye, mu gihe hari n’abandi batorotse bagishakishwa.
One Response
Kirehe: Batatu bafunzwe bakekwaho gutsinsura urutoki rwa Ntahompagaze
Babanze bishyure ibyo bangije. Kubafunga bifasha society muri rusange ariko ntibigarura ibyangijwe. Nibibahama ubwishyu buvanwe mu mitungo yabo hakorwe igenagaciro ku buryo bukurikije amategeko. umutungo w’umunyarwanda ni ntavogerwa. murakoze.