Ikipe ya Manchester United yo mu Bwongereza kuri uyu wa Gatanu yemeje umunya-Portugal, Ruben Amorim nk’umutoza wayo mushya.
Amorim w’imyaka 39 y’amavuko, yasinye amasezerano yo gutoza United kugeza muri 2027, nk’uko iyi kipe yabyemeje biciye mu itangazo yasohoye ibicishije ku mbuga nkoranyambaga zayo.
Uyu mugabo wasimbuye Umuholandi Erik Ten Hag, yari asanzwe ari umutoza mukuru wa Sporting Lisbon y’iwabo batwaranye ibikombe bibiri bya shampiyona ya Portugal.
Amakuru avuga ko Man United yishyuye Sporting impozamarira y’angana na € miliyoni 11 kugira ngo imwegukane.
