Umupira w’amaguru n’umwe muri Siporo zikunzwe na benshi, igihagararo kikaba kimwe mu bifasha abawukina kwitwara neza mu kibuga.
Cyakora cyo nubwo igihagararo n’ibigango biri mu bituma abakinnyi bitwara neza, hari abakinnyi bagufi ariko ubugufi bwabo butabuza kwitwara neza.
Twifashishije urubuga Sportsshow.net, tugiye kubagezaho urutonde rw’abakinnyi babigize umwuga bagufi ku Isi kurusha abandi.
10. Alexis Sanchez
Uyu rutahizamu ukomoka mu gihugu cya Chile, hamenyekanye mu makipe akomeye nka FC Barcelona, Arsenal, Manchester United na Inter Milan kuri ubu akinira.
Sanchez afite uburebure bwa metero na Sentimetero 69, gusa ibyo ntibimubuza kuba ari mu bakinnyi beza Isi yagize.
9. Joe Allen
Uyu Mwongereza ukina hagati mu kibuga, azwi mu makipe ya Liverpool na Stoke City.
Afite uburebure bwa metero na Sentimetero 68, gusa ntibimubuza kuba ari umwe mu bakinnyi bakomeye muri Premier league.
8. Madson Formagini
Uyu munya-BrĂ©sil akinira ikipe ya Fortaleza FC y’iwabo, gusa yamenyekanye cyane muri Vasco da Gama.
Afite uburebure bwa metero na Sentimetero 60.
7. Levi Porter
Uyu mukinnyi na we afite uburebure bwa metero na Sentimetero 60, akaba yarazamukiye mu kipe ya Leicester City yo mu Bwongereza.
6. Maximiliano Moralez
Uyu munya-Argentine akinira ikipe ya New York City FC yo muri Leta zunze ubumwe za Amerika, na we akaba afite uburebure bwa metero na Sentimetero 60.
5. Rui Gil Soarez de Barros
Barros azwi mu makipe nka Porto y’iwabo muri Portugal, Juventus na Olympique de Marseille.
Areshya na metero na Sentimetero 60, akaba ari umwe mu bakinnyi bakina hagati mu kibuga basatira izamu bari bakomeye mbere yo kwerekeza mu butoza.
4. Jafal Rashed Al-Kuwari
Uyu mukinnyi wahagaritse umupira areshya na metero na Sentimetero 55. Jafal ukomoka mu gihugu cya Qatar, yakiniye Al Saad y’iwabo anaba Kapiteni w’ikipe y’igihugu cye.
3. Marcin Garuch
Na we areshya na metero na Sentimetero 55. Ni Umunya-Pologne, akaba akinira ikipe ya GKS Belchatow Club y’iwabo.
2. Daniel Alberto Villalva Barrios
Uyu ni umunya-Argentine ureshya na metero na Sentimetero 54.
Magingo aya akinira ikipe ya QuerĂ©taro yo muri Mexique, gusa anazwi no mu kipe y’igihugu ya Argentine yakinnye igikombe cy’Isi cy’abatarengeje imyaka 17 mu 2009.
1. Elton José Xavier Gomes
Uyu munya-Brésil areshya na metero na Sentimetero 54.
Magingo aya akinira ikipe ya Al-Qadsiah FC yo muri Arabie Saoudite, gusa yananyuze mu kipe ya Bucuresti yo muri Romania. Ni umwe mu bakinnyi bakina umupira ku rwego rwo hejuru nubwo ari mugufi cyane.
