Minisiteri y'Ububanyi n'Amahanga y'u Burusiya yatangaje ko Alexander Darchiev, wari ambasaderi wa Moscow muri Leta Zunze Ubumwe za Amerika, yapfuye afite imyaka 66.
U Burusiya bwavuze ko uyu mudipolomate w'inararibonye yapfuye "mu buryo butunguranye" ku mugoroba wo kuwa Gatatu, itariki ya 11 Ugushyingo. Nta yandi makuru arambuye yerekeye icyamuteye urupfu aratangwa.
Mu itangazo ryashyizwe ahagaragara, Minisiteri y'Ububanyi n'Amahanga y'u Burusiya yamugaragaje nk "umudipolomate udasanzwe n'umukozi mwiza." Yagaragaje ko yakoreye "mu bice bigoye cyane bya politiki y'ububanyi n'amahanga y'Uburusiya."
Alexander Darchiev yinjiye muri Minisiteri y'Ububanyi n'Amahanga y'u Burusiya mu myaka ya 1990. Yakoreye i Washington inshuro nyinshi, ahagarariye igihugu cye. Yanabaye uhagarariye ndetse n'umujyanama w'u Burusiya mu karere ka Amerika y'Amajyaruguru.
Inkuru yanditswe na: Denis Nsengiyumva
Umunyamakuru wa BWIZA.COM wanditse inkuru 11,310.