Mu gitondo cyo kuri iki Cyumweru, abatuye n’abagenda mu Mujyi wa Kigali bazindukiye muri Siporo Rusange, iba kabiri mu kwezi, izwi nka Car Free Day.
Abayitabiriye bibukijwe ko igamije guteza imbere imibereho myiza n’ubuzima bwiza.
Bakoze ibikorwa birimo kwiruka n’amaguru, kunyonga igare ndetse n’imyitozo ngororamubiri, yabereye mu bice birimo Gisozi, Kicukiro, Nyamirambo na Kimihurura.
Abayobozi b’Akarere ka Nyarugenge kuri iki Cyumweru bo bifatanyije n’imbaga y’abaturage muri siporo yabereye mu nkengero za Kigali Pele Stadium.
