Urwego rw’Ubugenzacyaha RIB rwatangaje ko rwataye muri yombi Kabera Vedaste usanzwe ari umuyobozi ushinzwe imiyoborere myiza mu ntara y’Amajyepfo.
Ni amakuru yatangajwe n’uru rwego ruvuga ko uyu muyobozi yatawe muri yombi acyekwaho gutanga ruswa.Ashinjwa gushaka guha ruswa Umugenzacyaha ngo adakurikirana ibirego umugore we amushinja ku byaha byo kumuhoza ku nkeke no kumuhohotera.
RIB ikomeza ivuga ko yongera gukangurira abaturarwanda kwanga ruswa no kuyirwanya, ndetse no kujya batanga amakuru aho bayikeka kuko igira ingaruka mbi ku iterambere ry’Igihugu.
Mu butumwa yanyujije kuri twitter bugira buti”Bugira buti “RIB irongera gukangurira Abaturarwanda kwanga ruswa no kuyirwanya, ndetse no kujya batanga amakuru aho bayikeka kuko igira ingaruka mbi ku iterambere ry’Igihugu.”
Vedaste afungiye kuri Sitasiyo ya RIB ya Nyamabuye, mu gihe dosiye ku byaha aregwa iri gutunganywa kugirango ishyikirizwe Ubushinjacyaha.
