Abasirikare babiri ba Uganda bari mu ngabo z’Afurika yunze Ubumwe zishinzwe kurinda amahoro muri Somalia (AMISOM), bakatiwe urwo gupfa abandi batatu bakatirwa igifungo cy’imyaka 39 nyuma yo guhamwa n’icyaha cyo kwica abasivile.
Ni ibihano bakatiwe n’urukiko rwa gisirikare muri Uganda rufite icyicaro i Mogadishu mu murwa mukuru wa Somalia nkuko minisitiri w’ubutabera wa Somalia, Abdulkadir Mohamed Nur yabitangarije ijwi ry’Amerika dukesha iyi nkuru.
Urukiko rwemeje ko ku wa 10 Ukwakira abasirikare ba UPDF bari ku irondo ryo kugenzura umuhanda uhuza insisiro za Beldamin na Golweyn bamishe amasasu ku baturage bari mu mirima mu birometero 120 uvuye mu murwa mukuru Mogadishu nkuko byemejwe n’itangazo ryasohowe na AMISOM.
Ababibonye na bene wabo b’abaturage bishwe bashinje abo basirikare gutwara imirambo y’abo bishe bakayishyira mu birombe bya kure mbere yo kuyiturikirizaho ibirombe bakoresheje urutambi.
Ni igikorwa cyateye uburakari n’imyigaragambyo muri Mogadishu.
