Ikipe ya Arsenal yo mu cyiciro cya mbere muri shampiyona yo mu Bwongereza, English Premier League, bivugwa ko ishaka kugura rutahizamu Marcus Rashford w’ikipe ya Manchester United, nyuma y’aho uyu mu kinnyi atari kubona umwanya uhagije wo gukina.
Rashford amaze iminsi atitwara neza, dore ko kugeza ubu amaze gutsindira Manchester United ibitego 5 gusa mu marushanwa yose iyi kipe imaze gukina muri uyu mwaka w’imikino, ndetse akaba yaratakaje umwanya ubanza mu kibuga ku buryo buhoraho, kuko nibura amaze kubanza mu kibuga nibura ishuro 3 gusa, kuva uyu mwaka watangira. Nta n’ubwo ari mu bakinnyi baherutse guhamagarwa mu ikipe y’igihugu y’u Bwongereza.
Nkuko ikinyamakuru The Mirror dukesha iyi nkuru gikomeza kibivuga, Arsenal ngo irahaka uyu mukinnyi nyuma yo kurekura uwari rutahizamu wayo akaba yari na kapiteni, Pierre-Emerick Aubemeyang, wagiye muri FC Barcelona, ndetse naba rutahizamu bayo aribo Alexandre Lacazette na Eddie Nketiah, amasezerano yabo akaba azarangira muri Kamena 2022.
Rashford w’imyaka 24 y’amavuko afite amasezerano azarangira mu mwaka utaha.
