Arsenal yinjiye mu rugamba rwo gushaka umukinnyi wa Real Madrid

Ikipe ya Arsenal yo mu Bwongereza yinjiye mu rugamba rwo guhatanira kwegukana umukinnyi wa Real Madird, Marco Asensio, nyuma yo kugaragaza ubushake bwo gusohoka muri iyi kipe iheruka kwegukana ighikombe cya EUFA Champions League.

Asensio ugiye kwinjira mu mwaka we wa nyuma i Bernabeu kugirango amasezerano ye muri Real Madrid arangire, ashobora kwemererwa kwerekeza ahandi, aho kugira ngo azagende amasezerano ye yararangiye dore ko amakipe nka Liverpool, Manchester United ndetse na Tottenham na yo yamaze kugaragaza ko amushaka.

Arsenal yamaze kuvugana n’abahagarariye uyu muknnyi kugira ngo irebe igisabwa ngo irebe ko yabasha kumwegukana, ariko na none kuba iyi kipe itazitabira imikino ya Champions League y’ubutaha, ikinyamakuru The Mirro kivuga ko ari imbogamizi.

Asensio mu myaka 7 amaze muri Real Madrid, yabashije kwegukana ibikombe bitatu bya shampiyona ndetse n’ibikombe biitatu bya UEFA Champions League.