Ikipe ya Simba Sport Club yo muri Tanzania yemeje ko Leandre Essomba Willy Onana bidasubirwaho ari umukinnyi w’iyi kipe nyuma yo gusinya imyaka amasezerano y’imyaka ibiri.Mu butumwa bugaragara ku rukuta rwa Twitter rw’iyi kipe, buha ikaze uyu mukinnyi bwemeza ko yamaze kuba umwe muri bo.Mu byo yitezweho n’ugutsinda ibitego bizahesha iyi kipe igikombe cya shampiyona yo muri Tanzania.
Amakuru y’uko uyu mukinnyi yasinye muri Simba yamenyekanye mu minsi ishize Aya makuru abanje gutangazwa n’umwe mu bantu ba hafi b’uyu rutahizimu ukomoka muri Cameroon.Uyu mugabo niwe wayoboye abatsinze ibitego byinshi mu Rwanda muri shampiyona ya 2022-2023 atsinze ibitego 16 atanze n’impira itanu yavuyemo ibitego byose yakoze mu mikino 23 yakinnye.
Leandre Essomba Willy Onana yageze muri Rayon Sports mu mpeshyi ya 2021 akaba yari amaze imyaka ibiri ayikinira.Yagiye muri Simba nyuma y’uko akuriye inzira ku murima ikipe y’Igihugu Amavubi nyuma yo kutumvikana ku kiguzi yagombaga guhabwa ngo ayakinire.
