Minisitiri w’Ububanyi n’Amahanga, Olivier Nduhungirehe ari i Buruseli mu Bubiligi, aho yitabiriye Inama ya 121 y’Inama y’Abaminisitiri b’Umuryango w’Ibihugu bya Afurika, Karayibe na Pasifika (OACPS).
Iyi nama yibanze ku ishyirwa mu bikorwa ry’Itangazo rya Malabo, kuvugurura inzego, gushyira mu bikorwa Amasezerano ya Samoa, no guhuza ku bibazo bihuriweho mu nama mpuzamahanga.
Mu itangazo rye, Minisitiri Nduhungirehe yashimangiye ko imbaraga za OACPS ziri mu ruhare rwayo nk’urubuga rw’ubufatanye bufatika hagati y’Amajyepfo n’Amajyepfo (ibihugu biri mu nzira y’iterambere) ndetse n’ibikorwa bihuriweho mu nama mpuzamahanga.
Yashimangiye ko mu gukorera hamwe, Afurika, Karayibe na Pasifika bishobora kongerera ingufu ijwi ryabyo hamwe no guteza imbere ibyo bishyize imbere bihuriyeho mu miyoborere y’isi, mu guhangana n’imihindagurikire y’ikirere n’iterambere rirambye.
