Amakuru aturuka muri Repubulika Iharanira Demukarasi ya Congo avuga ko ku gicamunsi cyo kuwa 11 Ukuboza 2019, Brig. Gen. Hakizimana Antoine uzwi nka Jeva, wari ushinzwe ibikorwa bya Operasiyo n’iperereza muri FLN yafashwe mpiri (rwa mikono) ndetse n’umuvugizi wa FLN, Capt. Nsengimana Herman na we yarafashwe. Aya makuru avuga ko aba basirikare bakuru bafatiwe hamwe n’abarwanyi 60 ubwo berekezaga i Kirembwe bagasakirana n’inyeshyamba za Mai mai Raila Mutomboki,ahitwa Kamituka,ho muri Kivu y’amajyepfo mu mirwano yamaze amasaha abiri. Bivugwa ko haguye abarwanyi ba FLN 240. Umwe mu biboneye n’amaso iyi mirwano yatangarije Rwanda Tribune ko yiboneye inkomere 60 za FLN zararuzwaga n’umuryango utabara imbabare Croix Rouge,n’imirambo inyanyagiye aho Kamituga, abarwanyi 60 barangajwe imbere na Jenerali jeva hamwe na Capt Nsengimana Herman batwawe na Mai Mai Raila Mutomboki ku cyicaro cya FARDC kiri muri Fizi. Kugeza ubu ubuyobozi bwa MRCD/FLN ntacyo buratangaza kuri aya makuru. Gen. Jeva bivugwa ko yafashwe avuka mu cyahoze ari Komine ya Kirambo Perefegitura ya Cyangugu ubu ni mu Karere ka Nyamasheke, Umurenge wa Kanjogo, Akagali ka Kigarama. Yahunze mu 1994 ari umunyeshuri muri Kaminuza y’uRwanda i Butare. Yinjiye muri ALIR ahitwa Tingi Tingi muri 1996, muri 1998 yoherejwe na FDLR kwiga muri Kaminuza ya Lubumbashi mu Ishami ry’imibare. Igihe CNRD UBWIYUNGE yashingwaga yari afite ipeti rya Liyetona Koloneri ,muri iki gihe akaba ari we Ushinzwe ibikorwa bya Gisirikare muri FLN.
2 Responses
DRC: Haravugwa ifatwa rya Gen. Jeva wa FLN
Imburabwenge zikomeje gusarura imbuto zabibye. Ok. Umugaba wa FLN Alias RUSESABASWA n’Umuvugizi Alias RUKUKUMBASHINGWE abayobozi batazi kuyobora icyo aricyo, usanga bayobora abantu mu ruzi bo bakarwita utuziba, kandi baba bigaramiye n’abana n’imiryango yabo!.
DRC: Haravugwa ifatwa rya Gen. Jeva wa FLN
Imburabwenge zikomeje gusarura imbuto zabibye. Ok. Umugaba wa FLN Alias RUSESABASWA n’Umuvugizi Alias RUKUKUMBASHINGWE abayobozi batazi kuyobora icyo aricyo, usanga bayobora abantu mu ruzi bo bakarwita utuziba, kandi baba bigaramiye n’abana n’imiryango yabo!.