Igisirikare cya Repubulika Iharanira Demokarasi ya Congo (FARDC), cyemeje ko hari abasirikare bacyo benshi bo ku rwego rwa ba Jenerali na ba ofisiye bakuru bafunzwe, nyuma yo gutabwa muri yombi.
Umuvugizi wa FARDC, GĂ©nĂ©ral-Major Sylvain Ekenge, yabwiye abanyamakuru ko abafunzwe bakurikiranweho ibyaha bikomeye bifite aho bihuriye n’umutekano w’igihugu.
Ati: “Ni ukuri, ba Ofisiye Jenerali benshi, na ba Ofisiye Bakuru batawe muri yombi, ariko byabaye kubera ibikorwa bikomeye bijyanye n’umutekano wa Leta.”
Ekenge yavuze ko igihe cyo kubafunga cyongerewe bikurikije amategeko, bisabwe n’ubushinjacyaha kugira ngo hakorwe iperereza.
Ati: “Bashyizwe ahantu bagenzurwa, bafunzwe mu buryo bwemewe. Bahabwa uburenganzira ariko bakagenzurwa.”
Umuryango, Fondation Bill Clinton pour la Paix (FBCP), uheruka gutangaza ko ba Jenerali 21 ba FARDC ari bo bafunzwe.
Mu mazina azwi y’abamaze igihe bafunzwe harimo Gen. Christian Tshiwewe Songesa wahoze ari Umugaba Mukuru w’Ingabo za RDC, Lt. Gen Franck Ntumba wahoze ari umuyobozi w’ibikorwa bya gisirikare mu biro bya Perezida Tshisekedi, GĂ©nĂ©ral-Major Christian Ndaywel wahoze akuriye ubutasi bwa gisirikare, Lt. Gen Pacifique Masunzu wahoze akuriye zone ya gatatu ya gisirikare, GĂ©nĂ©ral-Major John Tshibangu n’abandi.
Abenshi muri aba basirikare batawe muri yombi bashinjwa gucura umugambi wo gushaka guhirika ku butegetsi Perezida FĂ©lix Tshisekedi.
